24072005

LZHK kerkon ndihmen e nderkombetareve per rinumerimin e votave ne proporcional

Lajmi i ores 10:10 PM

Dashamir Shehi

TIRANE (23 Korrik) -LZHK kerkon rinumerimin e votave ne proporcional dhe ne lidhje me kete u ka bere thirrje per ndihme edhe nderkombetareve. s'merren parasysh 40 ankesa. Ne nje konference per shtyp Drejtori Egzekutiv i LZHK, Dashamir Shehi, tha se KQZ dhe Kolegji Zgjedhor kane cenuar rende te drejten e votes per kete subjekt. "Vota e lire u dhunua jo vetem nga partite politike, por edhe nga institucionet zgjedhore". db/db(NEWS24/BalkanWeb) http://www.balkanweb.com/

LZHK tërhiqet nga ankesat në Kolegjin Elektoral

24 Korrik Shehi: Vendimet për proporcionalin tashmë dihen

Lëvizja për Zhvillim Kombëtar ka tërhequr ankimimin e bërë në Kolegjin Zgjedhor për rinumërim të votave të proporcionalit. Sipas përfaqësuesit të kësaj lëvizjeje, Dashamir Shehi, tërheqja nga ankimimi është bërë si një notë proteste, kjo duke i paraprirë vendimit të Kolegjit Zgjedhor për proporcionalin. "LZHK-ja dhe të gjithë kandidatët e saj tërhiqen nga ankimimi në formë proteste, duke mos qenë prezent në vendimin e kolegjit zgjedhor, që tashmë dihet për këtë çështje", tha Shehi. Ndërkohë që janë rreth 40 ankimime të bëra nga LZHK-ja në Komisionin Qendror të Zgjedhjeve për rinumërim të propocionalit, të cilat janë hedhur poshtë nga ky institucion. Duke parë që të njëjtën qëndrim po mban dhe kolegji, përfaqësuesit e LZHK-së i kanë kërkuar ndihmë OSBE/ODIHR-it, që të ndjeki me vëmendje të gjitha vendimet që po marrin dy nga institucionet kryesore të certifikimit të zgjedhjeve në Shqipëri. Ndërkohë që vetëm tri ditë pas zgjedhjeve, LZHK-ja ka bashkuar qendrimin për rinumërim të proporcionalit me Lëvizjen Socialiste për Integrim, Partinë Aleanca Demokratike si dhe me Partinë Demokracia Sociale.