Dhjetor14, 2005  http://www.balkanweb.com/gazeta/gazeta.htm

E Hene, 12 Dhjetor 2005  http://www.kohajone.com/

DIPLOMATJA JODIPLOMATIKE

Nga Geri Q.Kokalari

Qendrimi i Edit Harxhit dhe Sali Berishes ne lidhje me emerimin e kesaj te fundit si ambasadore ne Shtetet e Bashkuara, si dhe kundershtimi i perfolur i Presidentit Alfred Moisiu, vertetuan edhe nje here arsyet pse Harxhi ishte zgjedhja e gabuar. Kur u be e qarte se emerimi i znj. Harxhi ishte i papelqyer dhe kontradiktor, ajo duhet te ishte terhequr dhe te kishte bere nje deklarate publike ku te tregonte se po vepronte ne interesin me te mire te Shqiperise, si dhe per te mos demtuar qeverine "Berisha" duke e zvarritur procesin e emerimit te saj. Duke pare sinjalet paralajmeruese dhe po te kishte vepruar ne menyre inteligjente, Berisha duhet ta kishte nxitur znj. Harxhi qe ta bente kete veprim.

Por ne vend te kesaj, ne menyre egoiste dhe aspak diplomatike, Harxhi nuk hoqi dore nga shpresa per t'u bere e derguara me e larte e Shqiperise ne Shtetet e Bashkuara, pavaresisht fakteve te dukshme se asaj i mungojne kualifikimet e duhura per kete pozite. Per me teper, mungesa e bashkepunimit nga ana e saj per nxitjen e transparences ndaj dyshimeve te ngritura rreth largimit te saj nga UNMIK, i hodhi benzine zjarrit te dyshimeve. Nderkohe Berisha, ashtu sic parashikohej, nguli kembe ne te tijen dhe refuzoi te pranonte gabimin e tij, duke vertetuar dhe njehere se Berisha eshte po ai dhe s'ka nxene nga gabimet e te shkuares.

Si perfundim, sjellja e znj. Harxhi eshte totalisht jodiplomatike dhe si rrjedhoje, Presidenti Moisiu eshte plotesisht i justifikur ne vendimin e tij per te hedhur poshte ambiciet pa vend te Edit Harxhit dhe dr.Berishes.

Nese Harxhi nuk pranohet, Berishes do t'i duhet te paraqese nje emer te ri si ambasador ne Ambasaden Shqiptare ne Washington, dhe aq me teper qe ky post ka qene vakant per me shume se gjashte muaj, nuk duhet humbur kohe. Kualifikimet per kete post duhet te jene te padiskutueshme, por meqe Berisha eshte i njohur per veshtiresite qe ka ne dallimin e te padiskutueshmes, ashtu sic tregoi gjate skemave piramidale, ajo cka eshte e padiskutueshme duhet te deklarohet.

Ambasadori i Shqiperise ne Shtetet e Bashkuara duhet te kete kredenciale te larta akademike, si dhe nje pervoje dhe ekspertize te pasur ne sherbimin diplomatik shqiptar dhe mundesisht te kete sherbyer me pare si funksionar i larte ne nje nga ambasadat e huaja te vendit tone. Personi duhet te jete i pjekur si ne sjellje ashtu edhe ne moshe, te kete pervoje ne artin e diplomacise si dhe te jete i/e afte te percjelle ne menyre te sakte dhe te qarte politikat shqiptare prane zyrtareve amerikane. Kandidati gjithashtu duhet te kete njohuri te thella dhe qendrime pragmatike ndaj Shteteve te Bashkuara dhe ne vecanti ndaj politikave te SHBA-se perkundrejt Ballkanit. Cka eshte me me rendesi, sidomos pas skandalit te korrupsionit te Tarifes, personi qe do te permbushe rolin e ambasadorit duhet te jete nje individ me integritet te larte dhe te kete si prioritet kryesor permbushjen e interesave te vendit dhe shqiptareve. Ky person gjithashtu duhet te rrezatoje dinjitet dhe besueshmeri ne perputhje me kete post, si me te rendesishmin ne diplomacine shqiptare. Sigurisht qe ka plot individe ne Shqiperi qe permbushin jo vec shumicen, po ndoshta te gjitha keto karakteristika.

Megjithese Berisha e gezon privilegjin e zgjedhjes dhe per me teper i duket mjaft normale qe te pranoje aleanca me diplomate qe i sherbejne qeverise se tij, besnikeria ne vetvete nuk duhet te jete kualifikimi kryesor, ashtu sic ka qene deri tani motivi kryesor i shumices se emerimeve te tij, duke perfshire ketu edhe Edit Harxhin. Per te shmangur cdo incident te metejshem rreth kesaj ceshtjeje, do te ishte mire qe Berisha te konsultohej me Moisiun per te perzgjedhur nje kandidat te pranueshem nga te dyja palet qe do te permbushe rolin e ambasadorit te Shqiperise ne Washington.

http://gazetametropol.com/ Metropol in English 11 December

Minorities in Kosovo

Joining the EU and NATO remain Albania's key foreign

policy objectives, but this month's launch of UN-sponsored talks on the long-term status of Kosovo has put this issue at the top of Tirana's agenda.

Over the years, Berisha has generally shown greater assertiveness than PS leaders on the issue of the Albanian minorities abroad -- whether in Kosovo, Macedonia or other neighbouring states. However, he has not stepped out of line with Western policy. Foreign Minister Besnik Mustafaj has echoed this 'Western' thinking when he said that Albania supported conditional independence -- that is, a form of limited sovereignty -- for Kosovo. Mustafaj's remarks have irritated both sides:
Serbia complained that Tirana was encouraging separatism and interfering in Belgrade's internal affairs;
the Kosovar Albanians felt that Tirana was undermining their claim to full independence.

Berisha has sought to provide strong leadership without returning to the authoritarian excesses of the 1990s. However, streamlining bureaucracy and reducing corruption remain his ultimate performance tests, and failure to deliver in these two key issue areas would disappoint his electorate and the EU.

This could lead to dissension within the governing coalition and help revive the PS opposition.

 

Faqe 7 - Politikë

kthimi i pronave

kompensimi

Mbyllet procesi për zgjedhjen e ish-pronarëve që do të fitojnë nga kompensimi financiar. Në garë 96 persona

Pronat, Topalli në listë për kompensim

Shorti për 2 milionë USD do të realizohet më datën 15 dhjetor

BLEDAR HOTI

Nga fondi prej 2 milionë dollarësh amerikanë do të përfitojnë 96 pronarë të qytetit të Tiranës. Kryetari i komisionit Vendor, Kthimit dhe Kompensimit të pronave për kryeqytetin, Emil Konomi, deklaroi dje se, nga rreth 130 persona të paraqitur për kthim apo kompensim pronash janë pranuar 96, të cilët do të përfshihen në shortin që do të kryhet në datën 15 dhjetor për ndarjen e fondit prej 2 milionë dollarësh amerikanë. Një shifër e tillë është konfirmuar deri në orën 16:00 të ditës së djeshme. “Gjatë ditëve të fundit kemi pasur një fluks të madh njerëzish, të cilët janë paraqitur pranë zyrave të KVKKP-së dhe kanë marrë sqarimet përkatëse për dokumentet që kanë paraqitur”, theksoi Konomi. I gjithë procesi i njohjes së dokumenteve ka zgjatur mbi 15 ditë dhe dje deri në orën 15:00 është mbyllur i gjithi. Topalli Në listën e emrave të ish-pronarëve është edhe ai i kryetares së Kuvendit, Jozefina Topalli. Ajo është e renditur e 82 në listën e gjatë të ish-pronarëve pretendues. Në këtë listë ajo është shënuar me emrin Josifina Çoba, duke mos përdorur mbiemrin tjetër që mban zakonisht edhe siç njihet publikisht, Topalli. Kryetarja e Kuvendit ka paraqitur ditën e djeshme dokumentet për pronën e saj, e cila synon të rikompensohet financiarisht nga ana e Komitetit Shtetëror për Kthimin dhe Kompensimin e Pronave. Kreu i KVKKP-së, Konomi u shpreh dje se, ndër kandidatët që mund të njihen si fitues përfshihen ish-pronarë që kërkojnë kompensimin e pronës së tyre nga 30 metër katror dhe deri në 1000 metër katror. Masa maksimale e kompensimit financiar e vendosur nga ana e Komitetit Shtetëror për Kthimin dhe Kompensimin e Pronave është deri në 200 metër katror. “Ata pronarë që kanë më pak se 200 metër katror do të kompensohen, për aq sa është prona ekzistuese, 30, 50 apo 150 metër katror. Për ato subjekte të shpronësuara që kanë më tepër se limiti i vendosur nga KSHKKP-ja, masa maksimale e kompensimit është 200 metër katror”, theksoi Konomi. procedura Lista e miratuar nga ana e komisionit Vendor do t’i paraqitet zyrtarisht KSHKKP-së, e cila do të vendosë për procedurat që do të ndiqen dhe mbi të gjitha për vlerën që do të përfitojnë 96 ish-pronarët. Lista do të paraqitet e plotë me kërkesat që kanë pronarët me tokën që kanë të pashpronësuar, si dhe me masën që do të përfitojnë. Pas kësaj procedure, Komiteti Shtetëror i Pronave do të përllogarisë edhe vlerën monetare, që këta 96 pronarë do të përfitojnë. Sipas burimeve pranë këtij institucioni, po punohet për përcaktimin e hartës së vlerës së tregut për kryeqytetin. Tirana është ndarë në 33 zona, duke përcaktuar edhe vlerën e tokës sipas metodikës së miratuar nga ana e KSHKKP-së. Vlera minimale e kompensimit është përcaktuar 70 euro për metër katror, ndërsa ajo maksimale është 606 euro për metër katror. Procesi për kompensimin financiar prek vetëm ata ish-pronarë të kryeqytetit që nuk kanë përfituar asnjëherë nga procesi i kthimit dhe kompensimit të pronave, si dhe që kanë pronat e tyre brenda vijës së verdhë të Tiranës. Sipas burimeve janë shumë ish-pronarë që kërkojnë të kompensohen për ndërtesat qeveritare, apo të institucioneve të tjera, apo dhe për ndërtesa që janë zënë në mënyrë të padrejtë. Shorti për ndarjen e fondit do të realizohet më datë 15 dhjetor.   2 milionë USD Komiteti Shtetëror për Kthimin dhe Kompensimin e Pronave ka vënë në dispozicion shifrën prej 2 milionë USD, për të kryer procesin e kompensimit financiar për ish-pronarët e kryeqytetit. 96 persona Në Komisionin Vendor të pronave deri në orën 16:00 janë regjistruar 96 ish-pronarë, të cilët do të përfitojnë nga shuma e vënë në dispozicion nga ana e qeverisë për kompensimin financiar të kësaj shtrese. 15 Dhjetor Shorti për shpërndarjen e këtij fondi prej 2 milionë dollarësh do të realizohet nga ana e KSHKKP-së më datën 15 dhjetor. Fondi i dhënë është për të gjitha ata persona që kanë përfituar nga vendimi. 33 zona Komiteti Shtetëror po punon për përcaktimin e hartës së vlerës së kompensimit financiar të kryeqytetit. Në Tiranë janë 33 zona gjithsej dhe po punohet për përcaktimin e qartë të çmimit për çdo zonë. 606 euro Vlera maksimale e kompensimit për ish-pronarët në Tiranë do të jetë 606 euro për metër katror. Çmimi minimal i kompensimit për kryeqytetin do të jetë 70 euro për m2.   emrat qe perfitojne Elez Peposhi Aleks Kukumi Adil Koburi Gani Masha Aspasi Mana Mihal Sima Luigj Gjoka Bashkim Pëllumbi Sotir Çekani Muarrem Shehi Leka Gjoka Hamide Bardhi Stefan Janku Shaban Balla Zef Kovaçi Selman Huta Elise Kuqali Qefsere Kurti Mustafa Hoxha Pandi Binka Jusuf Juma Ligor Ndini Dhori Pano Katerina Çeta Vasil Janku Artemis Dollani Ndrek Brahimaj Mustafa Dervishi Bakushe Stermasi Ibrahim Ciu Sano Ciu Marie Abeshi Aleks Anesti Lipe Muarrem Vllamasi Fatbardha Kallmeti Rukije Kaculi Ibrahim Laci Syrja Pojani Hysen Tagani Bakalli Osman Maloku Ahmet Çela Gjergj Ashta Refi Kasimati Qemal Karaosmani Vangjel Kaçilja Ymer Ramaliu Hasan Belba Dhimitër Shalsi Pandeli Gjika Ramazan Luzi Ylli Kokona Tefik Kokona Iljaz Oshafi Jani Mela Arif Konica Ndoc Jakova Josif Qyqe Ndoc Gjinaj Tefik Jegeni Vangjel Dervishi Qazim Troplini Atire Piciri Vangjel Koço Kaman Kamani Kamber Hasula Sadi Pashallari Zeqine Muka Qamile Luga Vehip Nalo Dilaver Deliallisi Spiro Dhiamanti Shefqet Bishqemi Ismail Pema Ibrahim Sulejmani Halil Meko Ethem Tabaku Viktor Shantoja Dilaver Toptani Nezihat Karapici Andrea Naçe Josifina Çoba Gjelosh Luli Minushe Karapici Nexhat Gjuzi Xhaferr Kokobaba Sadedin Xhafa Gani Hidri Hajdar ALushi Beqir Pellumbi Sadik Shijaku Zografa Hanxhari Luigj Gurakuqi Spiro Disha Ali Çaslli Grigor Kana Zografa Koja   http://www.ballkan.com/ Ish-pronarët do të dalin në konferencë për shtyp Sot, Dita Ndërkombëtare e Pronës Data 10 dhjetor njihet si Dita Ndërkombëtare e Pronës. Me rastin e kësaj dite, shoqata kombëtare e ish-pronarëve “Pronësi me Drejtësi” do të mbajë sot një konferencë për shtyp, në lidhje me procesin e kthimit të pronave në Shqipëri, i cili po zvarritet prej mëse 15 vitesh. Shoqata “Pronësi me Drejtësi”, ndërkohë ka qenë kundër mënyrës që po ndjek Komiteti Shtetëror për Kthimin dhe Kompensimin e Pronave, për kompensimin financiar të shtresës së ish-pronarëve. Për procesin e pronave në Shqipëri ka pasur dhe një deklaratë nga ana e shoqatës ndërkombëtare të pronave, anëtare e së cilës është edhe shoqata “Pronësi me Drejtësi”. Në këtë deklaratë i kërkohet klasës politike shqiptare që të zgjidhë çështjen e pronave, pasi ky është një nga kushtet kryesore të vëna nga ana e faktorit ndërkombëtar dhe Komisionit Evropian ndaj qeverisë shqiptare. Presidenti i kësaj shoqate, Stratos Paradias, shprehet në letrën e drejtuar shoqatës, se do të jepet ndihma e plotë, në mënyrë që çështja e pronës në Shqipëri të zgjidhet përfundimisht. Ndërsa shoqata “Pronësi me Drejtësi” me anë të deklarate të mbajtur me rastin e Ditës Ndërkombëtare të Pronës shprehet se “Pronarët shqiptarë vazhdojnë të jenë të gënjyer edhe nga kjo periudhë tranzicioni e tejzgjatur që po kalon vendi ynë. Partitë politike, anëtare të Kuvendit të Shqipërisë, që nga viti 1991 e deri më sot nuk e kanë vlerësuar pronën si një e drejtë themelore e njeriut”.

Luftar Paja, ambasadori shqiptar në SHBA
  “Unë i plotësoj të gjitha kushtet, për të mos thënë se i tejkaloj. Jam komplet si Konica”

Autori i Lajmit: Elisabeta Ilnica Më në fund zgjidhet kriza për emërimin e ambasadorit shqiptar në Amerikë. Konica është rigjetur. Pas rënies së kandidaturës së Edit Harxhit për këtë post, një mjeshtër humori sfidon të gjithë emrat pretendentë të diplomatëve të tjerë. Është Artisti i Popullit Luftar Paja, i cili tashmë po nxjerr “jashtë loje” çdo konkurrent tjetër që deri më sot ka lakmuar drejtimin e diplomacisë shqiptare në Perëndim. Dhe këtë fakt humoristi i madh e zbulon me seriozitet po kaq të madh, për herë të parë për gazetën “Ballkan”, duke rrëfyer ekskluzivisht edhe lidhjet e tij me miq të rëndësishëm, ku ndër ta edhe Berluskoni. “Unë i plotësoj të gjitha kushtet... Do t’i liberalizoja menjëherë të gjitha vizat për në SHBA, do të zhdukja radhët e gjata para ambasadave dhe marrjen e gishtave nëpër kompjutera dhe aeroporte. Që këtu do kaloja dhe nga Greqia, ku shqiptarët të kalonin me certifikatë e jo më me pasaportë, që as të mos diskutohej. E pse jo, pastaj me mikun tim të ngushtë Berluskonin të garantoj shqiptarët dhe në Itali e gjetkë”, këto janë disa nga planet e Luftar Pajës si ambasador në SHBA. Por në intervistën e mëposhtme do të lexoni edhe më shumë... Zoti Paja, vërtiten disa zëra se juve i keni kërkuar krye-ministrit t’ju propozojë te Presidenti Moisiu për ambasador në Amerikë? Mos është kjo një shaka e juaja? Pse shaka?! Është krejt e vërtetë. Unë i plotësoj të gjitha kushtet, për të mos thënë se i tejkaloj. Nëse çdo gjë është e lirë, atëherë unë meritoj që të jem në krye të diplomacisë shqiptare në SHBA. Keni harruar diçka. Presidenti Moisiu është shprehur se ambasadori duhet zgjedhur një figurë që t’i ngjajë pak a shumë Konicës? As mos dyshoni fare, unë jam komplet si Konica, duke hequr flokët. Në të gjitha këndvështrimet e tjera jam njësoj, pra një tjetër kusht që unë e përmbush më së miri. Vrapi ynë drejt Evropës dhe Amerikës është vrap gomari, kali apo pele? Ëëëë, varet se sa vuxhut ke. Gomari ka dhënë prova se është më i fuqishëm në të përpjetë, ndërsa kali për fushore, se për malore e ka të vështirë. Harruat pelën... Jo se e harrova, po pela është më e mirë në grazhd. Mos i kemi hipur gomarit mbrapsht? Çdo njeri bën hesapet e tij. Unë nga të gjitha hesapet që kam bërë, më kanë dalë shumë mirë, të tjerët nuk e di. Çfarë i prishin njerëzit në pushtet, rrogat e larta apo ato të ulëta? Të ulëtat. Sa më e lartë të jetë rroga, aq më shumë mendon për pupullin. Nëse ke para, të lejojnë që diskutimet t’i bësh te “Sheratoni” apo në vende të tilla dhe përqendrohesh më tepër në punë. Jam për rrogat e larta. Ti mirë e ke, por këto rroga të larta “vilen” nga taksapaguesit, e taksapagues është populli... Taksapaguesit atë detyrë kanë. Ata do të paguajnë që do të paguajnë, atëherë pse këto para të mos shkojnë për njerëzit në pushtet, që ata të jenë sa më të motivuar për të zgjidhur hallet?! A zbatohet sot “vija e masave”? Partia i bën të ndërgjegjësohen. Cila parti? Të gjitha janë të predispozuara që të ndërgjegjësojnë popullin për këtë “vijë”, pavarësisht se dikush më pak e dikush më shumë. Si i mpleksur në korrupsion dukesh me këto përgjigje? Mos ta dëgjoj! Korrupsioni im i vetëm që bëj është me ndonjë mik për ndonjë gjoks pule ose eskallop. Pse gjoks dhe jo kofshë? Epo kofshët janë me yndyrë. Gjoksi i pulës është më i mirë për moshën time, se yndyra më bën keq. Meqë po na vjen Viti i Ri, keni menduar për ndonjë dhuratë për politikanët? Në fakt, nuk kam aq para sa t’u bëj dhurata, por po të ishte behar do t’iu uroja Antalian. Por meqë jemi në dimër, atëherë u jap uratën që të shkojnë për ski në Zvicër. Duket se paskeni qejf të rrëshqisni? Jo, se më merren mendtë ashtu. Unë kam qejf të hidhem me balonë. E nëse do të hidheni, cilën ndërtesë do të zgjidhnit në Shqipëri? Në radhë të parë do eliminoja 15-katëshin, se që aty është hedhur njëri. Duke menduar tani, po më vjen ndër mend Llogaraja. Mos ke ndonjë copë tokë andej? E meqë ra fjala, si mendon se do zgjidhet kjo çështja e pronave? Jo se kam tamam tokë, por kam shpresë për t’u bërë pronar. Kur nuk ka trashëgimi, ka krushqi. Dhe unë kam të dytën, që më jep dhe të parën. Po do ia arrish ta legalizosh, se dhe ky problem i madh është? Siç ta thashë, kur ke krushqi të mirë, ke shumë gjëra bashkë. Unë krushqinë e kam zgjedhur të mirë, edhe me tokë, edhe me legalizim. Duket se Shqipëria ka marrë pamjen e një shteti shumëkombësh, me këshilltarë, diplomatë, specialistë, etj., që vetëm marrin rrogat, ndërkohë që ne i dëgjojmë dhe kur e kanë gabim. Si thua, si do të shkojë kjo “mesele”? Në këtë rast mund të them vetëm “Zoti e bëftë mirë këtë punë”, por Shqipëria ka dalë në ankand. Ka zgjidhje? Sigurisht, nëse unë do të bëhem ambasadori shqiptar në Amerikë. Do t’i zgjidhja të gjitha. Si do t’i zgjidhnit; se ka disa politikanë që duken engjëj në fillim, e na dalin djaj në fund? Jo, jo, mos ta dëgjoj këtë “djaj”! Politikanët janë vetëm engjëj. Kur ne votojmë për ta, ata na premtojnë vetëm mjaltë, sheqer, e jo zeher. Epo, gjëja e ëmbël nuk hahet dy herë. Pastaj, shumë mjaltë e sheqer ke frikë se të shkakton diabetin? Për këtë janë analizat dhe unë jam shumë mirë me diabetin, pavarësisht moshës se e ruaj shumë veten. Të thashë që ushqimin e zgjedh mirë. Korrupsioni nis nga poshtë-lart apo nga lart-poshtë? Nga poshtë-lart, është me ligj të shkruar e të pashkruar. Po juve vetë nga cili drejtim e keni nisur? Vetëm nga një person që quhet Lom Kurti. Çdo ditë i them futu te lokal “Diu” dhe po arrite me u fut aty, dije se ke marrë të gjitha të mirat. Mos ka ardhur koha që të klonohen politikanët? Eh, kjo është kompetencë vetëm e profesor doktor Ethem Rukës. Ai e di më së miri këtë gjë. Cila ngjyrë të tërheq më shumë? E blerta. Duket se paske simpati për “kapelen”? Kam simpati për ngjyrën. Për çfarë nuk jeni dakord me ndonjë nga ngjarjet më të fundit që kanë ndodhur në Shqipëri? Me rritjen e pensioneve. Ç’është kjo që rriten pensionet????!!! Nëse do t’ju detyronit që të zgjidhnit një rol politikani, kë do preferonit? Spartak Ngjelën, sepse i ngjaj dhe shumë në fizionomi. Tani, se u bë lëmsh kjo punë, i ngjani Konicës apo Ngjelës? Me Konicën na ndajnë vetëm flokët. Me Ngjelën pak gjëra, varet nga truku. Dakord, e zëmë se morët postin e ambasadorit në SHBA. Çfarë do të ndryshonte kjo për Shqipërinë? Shumë gjëra, ose më saktë të gjitha gjërat. Do t’i liberalizoja menjëherë të gjitha vizat për në SHBA, do të zhdukja radhët e gjata para ambasadave dhe marrjen e gishtave nëpër kompjutera dhe aeroporte. Që këtu do kaloja dhe nga Greqia, ku shqiptarët të kalonin me certifikatë e jo më me pasaportë që as të mos diskutohej. E pse jo, pastaj me mikun tim të ngushtë, Berluskonin të garantojë shqiptarët dhe në Itali e gjetkë. Pastaj nuk do të diskutoja që të përfundonte jo vetëm Korridori 8, por edhe ai 10. Pra, shkurt do të bëja reforma pa embargo dhe do të rregulloja të gjithë shqiptarët kudo që janë. Domethënë, sipas kësaj që thua, kam dhe unë shans që të më rregullosh si sekretare pranë teje? Bukuria rregullon çdo gjë. Ky lajm është publikuar: 10/12/2005

http://www.gazeta55.net/home.jsp

Data: 09/12/2005, ora  Jo-PLL kërkon reformë të thellë në Akademinë e Arteve

Duke cmuar lart rolin dhe kontributin madhor të studentëve për rrëzimin e diktaturës komuniste dhe vendosjen e pluralizmit, sot në 15 vjetorin e 8 Dhjetorit 1990 dhe në ditën e festës kombëtare të Rinisë, PLL shpreh shqetësimin e thellë për mbetjen pa mësim për shkaqe absurde, që prej tre javësh, të një pjese të studentëve të degës së Skulpturës në Akademinë e Arteve... PLL, duke vlerësuar maksimalisht shenjtërinë e mësimit, diturisë dhe programeve shkollore, si komponentët më të rëndësishëm të përgatitjes, edukimit dhe arsimimit të brezave që do të marrin në duar ardhmërinë dhe fatet e vendit, shpreh indinjatën për injorimin nga burokracia shtetërore e kërkesave të studentëve dhe për lënien e tyre pa mësim, pas anullimit arbitrar të programit shkollor që ata ndiqninderi më tani, bash në mes të vitit. Edhe diktatori Ramiz Alia nuk guxoi të injoronte e të mos priste studentët 15 vjet më parë, ndërkohë që sfidën e hapur ndaj tyre sot e bëjnë disa burokratë të papërgjegjshëm, që akoma nuk kanë kuptuar se jetojmë në kohë të tjera, ku askush nuk mund të tallet me studentët, ashtu sikundër kanë  vepruar kohët e fundit disa drejtues dhe pedagogë të arsimit të lartë. Dhe kur mëson se shkaku i mbetjes së studentëve pa mësim, është suprimimi arbitrar i një programi kualifikimi dhe specializimi të ngushtë akademik, program ky i vetmi që është përballur dhe ka triumfuar mbi homologët perëndimorë dhe madje edhe mbi Akademinë e famshme botërisht të Bolonjës, kartën dhe kërkesat e së cilës universitetet tona synojnë të implementojë e nënshkruajnë, atëherë shqetësimi bëhet vërtetë alarmant dhe kërkon zgjidhje emergjente. Studentët e mbetur pa mësim pohojnë se vendimi arbitrar është marrë me shumicë absolute votash nga një ëkëshill shkencorë aspak kompetent dhe i profilizuar, por që me të ëdrejtënë e të ashtuquajturës ëtrupë pedagogjiko-shkencore  autoriteteshë, suprimon pas 13 vjetësh të suksesshëm të vetmin program bashkëkohor, vlerësuar maksimalisht ngahomologët perëndimorë, për shkak të cilësisë së lartë, dijeve të thella dhe profilizimit të denjë për një Akademi të vërtetë.

 http://www.shekulli.com.al/ 09/12/2005

Mustafaj: Kosova, mbështesim çdo zgjidhje që prodhon siguri

A.R

TIRANË- Takimi i Këshillit të Partneritetit euroatlantik të NATO-s në nivel ministrash të Jashtëm, i mbajtur në Bruksel, ku merrte pjesë edhe ministri i Punëve të Jashtme, Besnik Mustafaj, ka diskutuar mbi rolin e vlerave në partneritet dhe misionet e NATO-s në Kosovë e Afganistan. Disa nga ministrat pjesëmarrës në takim kanë dënuar dhunimin e vlerave të partneritetit në ngjarjet e Uzbekistanit, duke theksuar gjithashtu nevojën e marrjes së masave ndaj fenomeneve të tilla përmes eksplorimit të dialogut dhe mekanizmave të tjerë për gjetjen e zgjidhjeve. Ndërkohë që misionet e NATO-s në Afganistan dhe Kosovë kanë nënvizuar rolin që ka NATO-ja në zhvillimet dhe perspektivën e mëtejshme në të dy këto vende. Ata theksuan rëndësinë që ka vazhdimësia e pranisë së NATO-s në Kosovë, si një faktor i domosdoshëm për garantimin e sigurisë dhe konsolidimin e demokracisë. Ndërsa ministri Mustafaj, duke vënë në dukje rolin e pamohueshëm të NATO-s dhe BE-së në Ballkan dhe në veçanti në Kosovë, ka theksuar “se vendi ynë do të mbështesë Grupin e Kontaktit e Negociatorin e Posaçëm të sekretarit të përgjithshëm të OKB-së, Ahtisaari dhe do të përkrahë çdo zgjidhje që prodhon siguri për të ardhmen e Kosovës dhe rajonit”. Lidhur me operacionet e udhëhequara nga NATO-ja, ministri Mustafaj evidentoi kontributin tonë në Afganistan, B&H dhe Irak. Ai e njohu Këshillin e Ministrave të vendeve të EAPC-së për kontributin e Shqipërisë në përbërje të SEEBRIG (Brigada e Evropës Juglindore), që do të dislokohet vitin e ardhshëm në Afganistan. Po në Bruksel është zhvilluar takimi i ministrave të Jashtëm të Aleancës, ku në deklaratën finale u riafirmua dhe një herë politika e dyerve të hapura të NATO-s, si dhe u vlerësua progresi i bërë nga tre vendet e Kartës së Partneritetit, Shqipëria, Maqedonia dhe Kroacia në drejtim të procesit të Planit të Aksionit për Antarësim në NATO.

 http://www.balkanweb.com/gazeta/gazeta.htm

Ish-ambasadori Zeneli dekorohet nga Ministria greke e Rendit
 

Autori i Lajmit: Shpëtim ZINXHIRIA Në kuadrin e largimit të tij nga Greqia, në një ambient të sinqertë dhe miqësor, ambasadori shqiptar Bashkim Zeneli u prit dje nga ministri i Ruajtjes së Rendit Jorgos Vulgarakis. Ministri grek ka falënderuar ambasadorin shqiptar Zenelin për bashkëpunimin e mirë që kanë pasur, gjë që ka ndikuar në zgjidhjen e shumë problemeve dhe lehtësimin për t’u ardhur sa më afër njeri-tjetrit. Gjithashtu, ai theksoi se Zeneli luajti një rol të rëndësishëm në forcimin marrëdhënieve reciproke ndërmjet dy ministrive të rendit, aq sa edhe për çështje të tjera që preokupojnë dy vendet, si problemi i emigracionit, lëvizja në kufi, homogjenët grekë në Shqipëri etj. Vulgarakis e ka konsideruar këtë periudhë të qëndrimit të ambasadorit shqiptar në Greqi si një gjë të veçantë e të shkëlqyer, e cila vuri bazat e një bashkëpunimi më të mirë për të ardhmen ndërmjet dy vendeve. Personalisht, ai e ka konsideruar ambasadorin një mikun e tij të veçantë dhe në shenjë mirënjohje dhe të një bashkëpunimi të mirë ai dhuron Medaljen e Statujës së Fitores, duke u shprehur “që me këtë dua të simbolizojë dhe marrëdhëniet e mira që ne zhvilluam gjatë gjithë kësaj periudhe, ku u zgjidhën shumë nga problemet që ekzistonin më parë dhe këto u zgjidhën në një kohë pa u bërë objekt bisedash dhe diskutimesh. Ambasadori shqiptar, pasi ka falënderuar ministrin grek, u shpreh se diplomacia i ka këto norma, nga ku vjen një moment për t’u larguar, por mbi të gjitha largohet me përshtypjet më të mira nga Greqia dhe në mënyrë të veçantë nga ministria ku drejton zoti Vulgarakis. Zeneli ka vlerësuar si një gjë të shkëlqyer dhe tepër pozitive bashkëpunimin me të, po ashtu edhe ndërmjet dy dikastereve. Zeneli, në çastet e fundit të takimit me ministrin grek, tregoi edhe njëherë shqetësimin e tij lidhur me problemin e emigrantëve. Edhe këtë radhë në një ambient krejt ndryshe, ai i ka kërkuar ministrit grek që në prag të Krishtlindjeve dhe të Vitit të Ri emigrantët të shkojnë të lirshëm në Shqipëri. Duke e falënderuar publikisht, ai i kërkon ministri grek datën e lëvizjes së lirshme të emigrantëve... Ky lajm është publikuar: 08/12/2005

http://www.ballkan.com/

Harxhi , gati emërimi si zv.ministre e Jashtme
 Presidenti Moisiu refuzon të firmosë edhe Tatjana Kongolin si kandidate për diplomate në Vjenë

Autori i Lajmit: Ylli Pata Qeveria synon t’i japë fund “telenovelës Harxhi” me një manovër të fuqishme që pritet të jetë si një “shuplakë” ndaj Presidentit Moisiu, që refuzon të dekretojë ambasadoren e propozuar në Uashington D.C. Burime pranë Ministrisë së Jashtme bëjnë të ditur se Këshilli i Ministrave pritet ta emërojë zonjën Edith Harxhi, as më pak e as më shumë po në postin e numrit 2 të diplomacisë shqiptare, ku do të mbulojë pikërisht marrëdhëniet me Shtetet e Bashkuara të Amerikës dhe Aleancën e Atlantikut të Veriut. Kjo mësohet nga burime pranë ministrit të Jashtëm Besnik Mustafaj, i cili nuk ka zgjidhur asgjë me Presidentin Moisiu në lidhje me kundërshtimin e dy femrave si ambasadore në SHBA dhe Austri. Përveç refuzimit të zonjës Harxhi, një tjetër nyje gordiane e pazgjidhur mes Presidencës dhe Ministrisë së Jashtme është dhe “çështja Kongoli”. Kreu i shtetit nuk ka dekretuar as kandidaten për ambasadore në Vjenë, Tatjana Kongoli, e cila për një kohë ka qenë në krye të doganave shqiptare, kur në pushtet ishte qeveria “Nano”. Ndërkaq edhe Uashingtoni zyrtar është shprehur dje për “çështjen Harxhi”, duke mbajtur një qëndrim korrekt diplomatik. I pyetur nga një gazetar grek, i cili në mënyrë provokative e akuzoi zonjën Edith Harxhi, si të lidhur me drejtuesit e skemave piramidale dhe mbështetëse e fondamentalizmit islamik, zëdhënësi i Departamentit të Shtetit, Adam Ereli, dha një përgjigje të saktë. “Në lidhje me emërimine ambasadorit shqiptar në SHBA, ne mund të themi se nuk ka pasur asnjë emërimin dhe sapo të bëhet ne do të ndjekim të gjitha procedurat normale për akrreditimin”, deklaroi dje nënsekretari i Departamentit të Shtetit dhe njëkohësisht zëdhënës, Adam Ereli. Ndërkaq mediat shqiptare përhapën një tymnajë spekulimesh në lidhje me përgjigjen e Uashingtonit zyrtar duke komplikuar dhe më këtë problem të rëndësishëm. Ndërkaq qeveria “Berisha” pritet që refuzimit të Presidentit Moisiu për dekretimin e zonjës Harxhi si ambasadore në Uashington D.C, pritet t’i përgjigjet me emërimin e ish-nëpunëses së UNMIK-ut në postin e zëvëndësministrit të Jashtëm. Deri tani Ministria e Jashtme ka vetëm një zëvendësministër, zotin Plarent Çeliku, i cili mbulon çështjet e Bashkimit Evropian dhe Ballkanit. Ndërkaq si strukturë e ministrisë është vendi i një tjetër numri 2 të diplomacisë, që duhet të mbulojë marrëdhëniet me SHBA dhe NATO-n. Procedura për ambasadorët Në lidhje me mënyrën sesi funksionon emërimi i ambasadorëve të Shqipërisë nëpër botë thuhet se emrat propozohen nga Kryeministri dhe dekretohen nga Presidenti. Në këtë procedurë nuk lihen afate kohore të përcaktuara lidhur me dekretimin e emrave të propozuar, nga ana e Presidentit dhe në këtë mënyrë duket se vetëm kthimi mbrapsht i kandidaturave me argumentim zyrtar përse nuk pranohen, merret si fundi i kohës së dekretimit nga ana e Presidentit Moisiu. Në këtë moment, Kryeministri kërkon kandidatë të tjerë nga ana e Ministrisë së Jashtme, për të kaluar sërish të njëjtin diskutim në Komisionin e Jashtëm të Kuvendit dhe për t’u dekretuar nga Presidenti. Ky lajm është publikuar: 07/12/2005

 

---

 

http://www.sot.com.al/

 

Ndryshojnë kriteret për gradat diplomatike

Këshilli i Ministrave, me propozim të ministrit të Jashtëm Mustafaj, ka miratuar ndryshimet për kriteret në dhënien e gradave diplomatike. Për shqyrtimin e kërkesave për dhënie të gradave diplomatike komisioni mblidhet vetem një herë në muaj. Ai merr në shqyrtim të gjitha kërkesat, që plotësojnë brenda atij muaji kushtin kohor të vjetërsisë së nevojshme, për gradën e kërkuar, në përputhje me sa është përcaktuar në nenin 38 të ligjit nr.9095 dhe në këtë rregullore për gradat ministër, këshilltar, ministër fuqiplotë dhe ambasador.Sistemi i gradave diplomatike dhe konsullore mbështetet në kritere themelore e specifike dhe ka karakter unik, sipas normave të përcaktuara në nenet 35, 36, 37 dhe 38 të ligjit nr.9095, “Për shërbimin e jashtëm të Republikës së Shqipërisë” dhe mbështetet në frymën e përgjithshme të legjislacionit për karrierën e nëpunësit. Kërkesa e diplomatit do të merret në shqyrtim, pasi paraprakisht të jetë verifikuar plotësimi prej tij i këtyre kushteve: të ketë mbushur afatin kohor të përcaktuar në nenin 38 të ligjit nr. 9095, i cili është kriteri bazë për dhënien e gradës diplomatike. Nëpunësit e shërbimit të jashtëm Nëpunësit e shërbimit të jashtëm që përfitojnë të drejtën e gradës ministër këshilltar, duhet të mbajnë për jo më pak se tre vjet gradën diplomatike këshilltar dhe të kenë qenë të paktën një herë në pozicione drejtuese të nivelit të mesëm e të lartë në MPJ: shef sektori, drejtor, drejtor i përgjithshëm, ose pozicione të barazvlefshme me to, në kabinetet e ministrit të Punëve të Jashtme, kryeministrit, kryetarit të Kuvendit dhe presidentit. Gjithashtu nëpunësit e shërbimit të jashtëm, që përfitojnë të drejtën e gradës ambasador, duhet të jenë diplomatë karrierë, të cilët mbajnë për jo më pak se tre vjet gradën diplomatike ministër fuqiplotë dhe që kanë kryer të paktën dy mandate në postin e ambasadorit. Humbja dhe rifitimi i statusit të diplomatit Diplomati e rifiton statusin e tij, në shërbimin e jashtëm dhe të gjitha të drejtat e pezulluara në rastet: Kur titullari miraton rikthimin e nëpunësit që ka patur një eksperienceë pune jo më të vogël se tre vjet në shërbimin e jashtëm dhe është larguar nga ky shërbim, në mënyrë vullnetare, pa kryer shkelje të renda të parashikuara në nenin 43 të ligjit nr. 9095 për shërbimin e jashtëm dhe në këtë rregullore.

 

---

 

 

http://www.panorama.com.al/

 

Faqe 8 - Politikë

Këshilli i Ministrave vendosi: Emërohet ambasador kush ka pasur dy mandate si të tillë

Diplomatët, ndryshojnë kriteret për gradat

Ruhen privilegjet për anëtarët e kabineteve të krerëve të shtetit

Kandidatët për ambasadorë do të emërohen në detyrat që presin, vetëm në rast se, gjatë karrierës së tyre kanë qenë dy herë në detyrën e ambasadorit. Qeveria në mbledhjen e saj të djeshme ka ndryshuar “Rregulloren e Shërbimit të Jashtëm”, miratuar nga qeveria “Nano”, në dhjetor të vitit 2004, në kapitujt për dhënien e gradës së diplomatit, ambasador, kë-shilltar, ministër fuqiplotë, por edhe në heqjen e disa kritereve të vjetërsisë në stafin diplomatik. Sipas ndryshimeve të reja, e përfitojnë statusin ministër këshilltar, ata punonjës që kanë jo më pak se tre vjet gradën diplomatike këshilltar, dhe që kanë qenë të paktën një herë drejtues të nivelit të lartë në MPJ, apo në kabinetet e kryetarit të Kuvendit, kryeministrit, presidentit apo ministrit të Jashtëm. Sipas rregullores së mëparshme, i jepej kjo gradë atij që kishte 15.5 vjet vjetërsi të integruar në punë, dhe që ishte prej 2.5 vjetësh në statusin këshilltar. Në rregulloren e re përfitojnë gradën ministër fuqiplotë, ata që kanë gradën prej 3 vjetësh ministër këshilltar, dhe të paktën një herë në poste të larta drejtuese në MPJ. Në rregulloren e mëparshme ishte parashikuar vjetërsia në punë prej 15.5 vjetësh, si dhe një mandat 5-vjeçar në post të lartë drejtues. Ndërsa për gradën ambasador, në rregulloren e re është përcaktuar që të jenë diplomatë karriere “që mbajnë për jo më pak se tre vjet gradën diplomatike ministër fuqiplotë dhe që kanë kryer të paktën dy mandate në postin e ambasadorit”. Në vendimin e mëparshëm thuhej se, e përfiton gradën ambasador ai që ka pasur një mandat në postin e ambasadorit, dhe që ka gradën ministër fuqiplotë, por që gjithashtu duhet të ketë jo më pak se 20 vjet vjetërsi pune, nga të cilat 10 vjet në MPJ. Ndryshimet Krahasuar me rregulloren e mëparshme është shfuqizuar pika që parashikon edhe kriteret për sekretarët, në nivelin e sekretarit të parë, të dytë e të tretë. Sipas burimeve nga Ministria e Jashtme, ndryshimet e propozuara në rregullore, i shërbejnë thithjes së gjithë atyre kapaciteteve, që mund të kontribuojnë në vend dhe në shërbimin e jashtëm diplomatik. “Në raste të veçanta, kur diplomati vlerësohet për aftësi profesionale me miratimin e titullarit, komisioni i Gradave dhe Disiplinës mund të akordojë, vetëm një herë gjatë karrierës së tij diplomatike një gradë diplomatike më të lartë, sesa ajo që diplomati mban konform ligjit”, thuhet në rregulloren e re. Ambasadorët Shumë ambasadorë janë liruar nga detyra, ndërsa të tjerë presin dekretimin. Mes institucionit të presidentit dhe kryeministrit që bën propozimet te presidenti, është krijuar një hendek si pasojë e mosdekretimit të dy propozimeve për ambasadorë, nga ana e Moisiut. Por ndërkaq, edhe shumë të tjerë pritet të emërohen në detyra. Dhe secili prej tyre, në bazë të rregullores së re duhet të ketë pasur të paktën dy herë gradën ambasador.

 

---

Faqe 2/3 - Politikë

ceshtja e pronave

ndryshimet

Asnjë fjalë për pronat e ish-Mbretit. Favorizohen shtresat e varfra

Qeveria: Kthehen parqet, veprat publike e kazermat

Ekonomi

Qeveria demokrate vendos si prioritet të vetin legalizimin e shtëpive informale në tokat që kanë pronarë. Por këta do të presin të përfundojë procesi i legalizimit të banesave informale. Në rast se mbetet aty tokë, atëherë ajo do t’i kthehet pronarit të ligjshëm. Në rast të kundërt, ata do të kompensohen sipas mënyrave që ka përcaktuar ligji, në troje të pazëna, apo kompensimin me para. Pika e shumëkundërshtuar nga ish-pronarët për këtë ligj, është zgjidhur ndryshe në projektin e socialistëve. Këta të fundit kishin vendosur që në zonat informale, pronari zaptues, të paguante tokën me vlerën e truallit në momentin e kryerjes së transaksionit. Dhe më pas, shteti ia kthente kompensimin ish-pronarit sipas statusit fillestar të pronës, një pikë kjo e kundërshtuar nga ish pronarët. Një ndryshim i dytë që është bërë në ligjin e ndryshuar për pronat, është ai i sasisë së kthyeshme të hektarëve. Nëse në projektin socialist, maksimalisht ktheheshin deri në 60 ha, në projektin e PD, është vendosur shifra e 100 ha, pavarësisht se republikanët kishin kërkuar deri në 200 ha, por që për Berishën kjo është e pamundur. Shteti harron ndërkohë “pronat e familjes mbretëtore”. Edhe pse një godinë i është dhënë pa u bazuar në ligj, kur vjen puna për të bërë ndryshime ligjore, familja mbretërore, e shpronësuar nga shteti shqiptaro-italian, nuk është përfshirë në ligj. Ligji vendos që të kthehen ato prona, të cilat janë vendosur para 7 prillit 1939. Por edhe për këto duhen vendime gjyqësore, dhe kjo është parashikuar në një vendim të Gjykatës Kushtetuese. Në ligjin e socialistëve, një gjë e tillë nuk ishte parashikuar. Ndryshimi më madhor në ligj ka të bëjë me pronat që nuk kthehen. Socialistët parashikonin në ligj se në ato prona që planifikoheshin të ndërtoheshin vepra publike, (autostrada, linja tensioni të lartë etj); që shërbenin për mbrojtjen e mjedisit (parqe kombëtare); që shërbejnë për mbrojtjen kombëtare (pika strategjike ushtarake); që janë monumente kulture ose historike (shtëpi të vjetra) nuk i ktheheshin pronarëve, por këta të fundit shpronësoheshin. Në ligjin aktual, të gjitha këto përjashtime janë hequr dhe mund të kthehet çdo gjë e tillë. Vendimi për pagesën e qirasë, ndryshon gjithashtu. Në ligjin e PD thuhet se në objektet shtetërore ku ka pronarë privat, të dhëna me qira, destinacioni i qirasë ndryshon nga shteti tek privati. Kjo mund të ndodhë në fshatrat turistike që kanë pronarë toke, apo edhe në objekte të tjera. Por nuk është përcaktuar qartë sesi do të ndahet qiraja e truallit nga qiraja e godinës. Sepse ndodh që në një truall privat, godina shtetërore të jetë dhënë me qira. Ka një përplasje, që ligji i PD specifikon qartë kthimin në ato zona që kanë përparësi zhvillimin e turizmit, ndërkohë që në një gjë e tillë thuhet shumë qartë në ligjin që ka miratuar PS në nenin 11 që ka të bëjë me format e kompensimit. Në ligjin e PD, ndryshe nga ai i PS, favorizohet privati në ato objekte shtetërore që duhet t’i kalojnë sërish shtetit. “Në rast se objektet shtetërore, të ndërtuara mbi troje private, transferohen në pronësi, apo në administrim të një institucioni tjetër shtetëror, e drejta e parablerjes nuk shuhet”, thuhet në ligj, që do të thotë se nëse një objekt shtetëror duhet të kalojë në një objekt tjetër, atëherë para se të hyjë në objekt institucioni shtetëror, pronari i truallit ka të drejtë ta blejë godinën, nëse ka para. Ndryshime ka edhe për banesat. Ligji i PS parashikonte që personi që kishte zënë banesën e një pronari privatizohet brenda tre viteve nga hyrja në fuqi e ligjit, duhet të linte banesën dhe t’i kthente pronën privatit. Në ligjin e ri të PD, i jepet prioritet atij që ka zënë banesën, dhe ish-pronari kompensohet në një vend tjetër. Ose nëse pronari i truallit i gjen një banesë atij që është me qira, mund ta zgjidhin këtë punë njëri me tjetrin. Ndryshim i madh është edhe për vetë strukturën e Komitetit të Pronave. Me ligjin e PD, i “reduktohen” shumë kompetenca kryetarit të Komitetit, duke iu vendosur atij një Sekretar, i cili “përgatit” materialet për mbledhjet.   Komiteti i Pronave ndahet në dysh Kosovrasti fajëson Sinajn për pronat Përçahen anëtarët e Komitetit Shtetëror për Kthimin dhe Kompensimin e Pronave. Mbledhja e djeshme në komisionin e Veprimtarisë Prodhuese ka nxjerrë në pah përplasjet që ekzistojnë mes dy drejtuesve të Komitetit, kryetarit Sokrat Sinaj dhe nënkryetarit Njazi Kosovrasti. Shkaku i përplasjes së parë publike mes tyre ka qenë raporti paralel i paraqitur nga ana e Kosovrastit me atë të KSHHKP-së. Në këtë raport, nënkryetari i Komitetit, përfaqësues i PD-së, fajëson Sinajn për mosvënie në eficencë të KSHKKP-së, pasi për gjithçka nuk mund t’i vihej faji vullnetit politik. Vetë Sinaj në raportin e tij ka bërë të ditur se “marrëdhëniet mes anëtarëve të Komitetit ndryshuan pas zgjedhjeve të 3 korrikut”. Edhe deputetët e PS-së në këtë komision kanë kundërshtuar qëndrimet e mbajtura nga ana e Kosovrastit, duke theksuar se ato sulme bëhen pikërisht pasi qeveria është tashmë në duart e PD-së. Debatet ndërmjet anëtarëve të Komitetit dhe deputetëve kanë zgjatur për më se 5 orë. Nisur nga kjo përplasje, deputetët e shtynë mbledhjen për javën tjetër.   Për mungesën e tokave të lira Sinaj ka deklaruar në mbledhjen e komisionit se “nuk mbaj asnjë përgjegjësi se si kanë evoluar skemat dhe shifrat e tokave të lira pas marsit 2004”. “Sot nuk ka zyrtarisht asnjë informacion të dërguar nga qeveria. Ajo e para, që e ka pasur detyrim ligjor dhe të shprehur qartë kohën se kur, apo qeveria e re lidhur me hartën e tokave të lira që shteti disponon dhe do të vihen në dispozicion të kompensimit fizik. Eshtë detyrë e qeverisë shqiptare për t’ia dërguar këtë hartë Komitetit Shtetëror dhe ne jemi në pritje të kësaj harte. Këto për mua kanë evoluar, pasi qeveria ka dhënë tituj pronësie, fshatra turistikë, etj. Kështu që nuk është më përgjegjësia e studimit ajo që të mbajë mbi shpinë edhe evoluimin që kanë bërë shifrat për këto arsye”, deklaroi ai në komision. Sipas tij, ka pasur “raste kur pronarët nuk janë pyetur për shitjen e pronave”. Ne kërkuam ta bënim akoma më prezent nëpërmjet vendimit të KM që detyron edhe Ministrinë e Ekonomisë, edhe AKP-në që të mos bëjnë asnjë veprim të kësaj natyre pa na vënë në dijeni Komitetin.   ligji i pronave

LIGJ Nr. 9235, datë 29.7.2004 PËR Kthimin DHe Kompensimin e pronës Në mbështetje të neneve 41, 78, 83 pika 1 dhe 181 të Kushtetutës, me propozimin e një grupi deputetësh, K U V E N D I I REPUBLIKËS SË SHQIPËRISË VENDOSI: KREU I DISPOZITA TË PËRGJITHSHME Neni 1 Objekti i ligjit Ky ligj ka për objekt: a) rregullimin e drejtë, sipas kritereve të nenit 41 të Kushtetutës, të çështjeve të së drejtës së pronësisë që kanë lindur nga shpronësimet, shtetëzimet ose konfiskimet; b) kthimin dhe, aty ku sipas këtij ligji kthimi i pronës është i pamundur, kompensimin e saj; c) procedurat për realizimin e kthimit dhe kompensimit të pronave, si dhe organet administrative të ngarkuara për realizimin e tyre. Neni 2 E drejta e pronësisë Çdo subjekt i shpronësuar ka të drejtë të kërkojë, në përputhje me këtë ligj, të drejtën e pronësisë, në rast se i është hequr sipas akteve ligjore, nënligjore, vendimeve penale të gjykatave ose të marrë me çdo mënyrë tjetër të padrejtë nga shteti nga data 29.11.1944, si dhe kthimin ose kompensimin e pronës. Shtohet paragrafi: Fusha e veprimit të këtij ligji shtrihet edhe për pasuritë e paluajtshme të shtetasve shqiptarë të krijuara para datës 7 prill 1939 dhe që janë sekuestruar sipas nenit 14 të ligjit nr.37, datë 13.01.1945, “Ligja e tatimit të jashtëzakonshëm për fitimet e luftës”. KREU II Njohja e së Drejtës së Pronësisë dhe Kthimi i Pronës Neni 6 Njohja e së drejtës së pronësisë dhe kthimi i pronës 1. Subjekteve të shpronësuara u njihet e drejta e pronësisë dhe u kthehen pa kufizim pronat e paluajtshme, me përjashtim të tokës bujqësore, e cila kthehet ose kompensohet deri në 60 ha dhe kur në këtë ligj përcaktohet ndryshe. Ndryshon si më poshtë: 1. ...fjalët “...deri në 60 ha dhe kur në këtë ligj përcaktohet ndryshe...”, zëvendësohen me “...deri në 100 ha, në rast se subjekti i shpronësuar (trashëgimtarët e tij) nuk kanë përfituar nga zbatimi i ligjit nr.7501, datë 19.07.1991, “Për tokën...” 2. Shtohet pika 1/a Kur subjekti i shpronësuar (trashëgimtarët e tij) kanë përfituar tokë nga zbatimi i ligjit nr.7501, datë 19.7.1991, “Për tokën”, atëherë sipërfaqja që kthehet apo kompensohet, sipas këtij ligji, llogaritet si diferencë ndërmjet pjesës, që do t’i takonte në kushtet e mospërfitimit nga zbatimi i ligjit nr.7501, datë 19.7.1991, “Për tokën”, me sipërfaqen, që secili prej tyre ka përfituar nga zbatimi i këtij ligji. 2. Subjektet e shpronësuara, pronat e të cilave janë përmbytur nga ndërtimi i hidrocentraleve, trajtohen sipas dispozitave të këtij ligji, me përjashtim të rasteve kur kanë përfituar sipas ligjit “Për shpronësimet për interes publik”. 3. Subjektet e shpronësuara dhe të kompensuara sipas ligjeve në fuqi kanë të drejtën e përfitimit nga ky ligj vetëm për pjesën e pronës së pakthyer ose të pakompensuar. Neni 7 Pronat që nuk kthehen 1. Nuk kthehen pronat e paluajtshme, që i shërbejnë një interesi publik dhe që: a) shërbejnë për realizimin e detyrimeve të shtetit shqiptar, që rrjedhin nga traktatet dhe konventat, në të cilat shteti ynë është palë; b) kanë investime ose përdoren për realizimin e projekteve me shtrirje territoriale ose vendore në fushën e transporteve të çdo lloji, të energjetikës, të telekomunikacionit, të veprave ujore të çdo lloji ose në investime të tjera në interes publik, të përcaktuara sipas ligjit “Për shpronësimet për interes publik”; c) shërbejnë për ruajtjen e mjedisit, shëndetit, kulturës, arsimit publik ose edukimit parashkollor; ç) shërbejnë për mbrojtjen kombëtare dhe që nuk tjetërsohen; d) janë pasuri e veçantë kulturore ose historike, e përcaktuar sipas legjislacionit në fuqi; dh) janë të zëna sipas akteve ligjore, paraqitur në Shtojcën 1 të këtij ligji, përveç rasteve kur sipas këtyre ligjeve shteti është pronar dhe prona e paluajtshme nuk i shërben një interesi publik. 2. Në rast se pronat e paluajtshme, që përfshihen në pikën 1 të këtij neni, propozohet të tjetërsohen, ato i kalojnë subjekteve të shpronësuara. 3. Pronat e përcaktuara në pikën 1 të këtij neni kompensohen sipas përcaktimeve të bëra në këtë ligj. Ndryshon si më poshtë: Neni 7 Pronat që nuk kthehen 1. Nuk kthehen pronat e paluajtshme, që i shërbejnë një interesi publik dhe që: a) shërbejnë për realizimin e detyrimeve të shtetit shqiptar, që rrjedhin nga traktatet dhe konventat, në të cilat shteti ynë është palë; b) janë të zëna sipas akteve ligjore, paraqitur në shtojcën 1, të ligjit. 2. Në rast se pronat e paluajtshme, që përfshihen në pikën 1, të këtij neni, propozohen të tjetërsohen, ato u kalojnë subjekteve të shpronësuara. 3. Pronat e përcaktuara në pikën 1, të këtij neni, kompensohen sipas përcaktimeve të bëra në këtë ligj.”. Neni 8 Trualli 1. Në rastin kur trualli u është tjetërsuar personave të tretë dhe mbi të nuk janë ngritur ndërtesa të përhershme dhe të ligjshme, ai u kthehet subjekteve të shpronësuara, ndërsa shteti u kthen të tretëve vlerën, sipas çmimit të blerjes të shumëzuar me indeksin e rritjes së çmimeve. 2. Kur mbi truallin e subjektit të shpronësuar shteti a persona të tretë kanë kryer ndërtime ose investime, në përputhje me legjislacionin në fuqi, ato llogariten sipas vlerës së tregut në çastin kur i njihet e drejta e pronësisë subjektit të shpronësuar dhe veprohet si më poshtë kur: a) vlera e investimeve përbën deri në 150 për qind të vlerës së truallit, prona i kthehet subjekteve të shpronësuara, pasi ato të kenë paguar kundërvlerën e investimeve të kryera; b) vlera e investimeve përbën më shumë se 150 për qind të vlerës së truallit, shteti apo personat e tretë ruajnë pronësinë dhe subjektet e shpronësuara kompensohen sipas këtij ligji. Ndryshon si më poshtë Pika 2 shfuqizohet 3. Në rastet e ndërtimeve mbi truall, të bëra para datës 10.8.1991, për të cilat nuk është regjistruar pronësia e truallit, ai që ka në pronësi ndërtesën detyrohet të paguajë vlerën fillestare të truallit, sipas nenit 10 të ligjit nr.7652, datë 23.12.1992 “Për privatizimin e banesave shtetërore” të shumëzuar me indeksin e rritjes së çmimeve. 4. Në rastet e ndërtimeve të ligjshme të bëra në truallin e dhënë nga shteti me qira ose koncesion, pronari i ndërtesës paguan vlerën e truallit mbi të cilin është bërë ndërtesa, sipas çmimeve të tregut. Ndryshon si më poshtë: 4. Në rastet e ndërtimeve të ligjshme të bëra në truallin e dhënë nga shteti me qira ose koncesion, i njihet pronësia ish-pronarit të truallit, i cili zëvendëson shtetin si palë në kontratën e qirasë ose të koncesionit. Në rast se ai refuzon zëvendësimin e palës shtet në kontratë, atëherë ai kompensohet sipas nenit 11, të këtij ligji...”. Neni 9 Banesat 1. Banesat, pronë e subjekteve të shpronësuara, lirohen nga qiramarrësi brenda një afati trevjeçar. Qiramarrësit vazhdojnë të paguajnë një qira të përcaktuar nga Këshilli i Ministrave deri në dy vjet pas hyrjes në fuqi të këtij ligji. Këshilli i Ministrave ngarkohet të sigurojë strehimin e qiramarrësve, që kanë statusin e të pastrehëve, nëpërmjet banesave me qira të ulët, kredive me interes të ulët ose banesave me qira të kompensuar nga shteti. 2. Në rastet e banesave të ndërtuara në kundërshtim me legjislacionin në fuqi, banorët e tyre kanë të drejtën e blerjes së truallit gjatë procesit të legalizimit të përcaktuar me ligj të veçantë. Vlerësimi i truallit bëhet sipas vlerës së tregut në momentin e kryerjes së legalizimit të banesave. Ndryshon si më poshtë Neni 9 Marrëdhëniet ndërmjet qiramarrësve dhe ish-pronarëve, që bëhen pronarë sipas këtij ligji, rregullohen me ligjin nr.7652, datë 23.12.1992, “Për privatizimin e banesave shtetërore”. Në qoftë se gjatë kësaj kohe pronari i siguron qiramarrësit banesë tjetër, brenda të njëjtës qendër të banuar, me sipërfaqe banimi aq sa i takon sipas akteve normative në fuqi për strehimin në çastin e hyrjes në fuqi të këtij ligji, por jo më tepër se sa ka, atëherë qiramarrësi është i detyruar të lirojë banesën. Shteti detyrohet të zgjidhë, në përputhje me aktet normative në fuqi për strehimit, strehimin e qiramarrësve, duke u dhënë përparësi familjeve me të ardhura të pakta financiare. Me dëshirën e ish-pronarëve, ata mund të kompensohen sipas mënyrave të përcaktuara në këtë ligj.”. Neni 10 Prona që nuk përdoret më për interesa publikë Kur një shpronësim është bërë për një interes publik dhe Komiteti Shtetëror për Kthimin dhe Kompensimin e Pronave vërteton se prona e paluajtshme nuk përdoret më për këtë qëllim, ajo i kthehet subjektit të shpronësuar, kurse subjekti i shpronësuar, kur është shpërblyer, i kthen shtetit shpërblimin e marrë. KREU III Kompensimi i Pronës Neni 11 Format e kompensimit 1. Për pronat e përcaktuara në këtë ligj, për të cilat është i pamundur kthimi fizik, shteti kompenson subjektet e shpronësuara me një ose më shumë nga format e mëposhtme: a) me pronë tjetër të paluajtshme të të njëjtit lloj, me vlerë të barabartë, në pronësi të shtetit; Shtohet paragrafi: a/1. me pasuri të paluajtshme publike në zonat, që kanë përparësi zhvillimin e turizmit b) me pronë tjetër të paluajtshme të çdo lloji, me vlerë të barabartë, në pronësi të shtetit; c) me aksione në shoqëri me kapital shtetëror ose ku shteti është bashkëpronar, që kanë vlerë të barabartë me pronën e paluajtshme; ç) me vlerën e objekteve, të cilat janë objekt i privatizimit; d) me të holla. 2. Subjekti i shpronësuar i paraqet me shkrim komisionit vendor për kthimin dhe kompensimin e pronave formën në të cilën kërkon të realizohet kompensimi. Komisioni, brenda 30 ditëve nga marrja e kërkesës, me vendim të arsyetuar vendos për pranimin e kërkesës ose refuzimin e saj kur objektivisht plotësimi i kërkesës është i pamundur. Në këtë rast ai i ofron subjektit të shpronësuar një formë tjetër kompensimi, sipas përcaktimeve të bëra në pikën 1 të këtij neni. Kundër vendimit të komisionit për përcaktimin e formës së kompensimit, subjekti i shpronësuar ka të drejtë të bëjë ankesë në Komitetin Shtetëror për Kthimin dhe Kompensimin e Pronave brenda 30 ditëve nga njoftimi i vendimit dhe në rast se aty nuk gjen zgjidhje, atëherë i drejtohet gjykatës brenda 30 ditëve nga marrja e përgjigjes me shkrim nga Komiteti Shtetëror për Kthimin dhe Kompensimin e Pronave. 3.Shpërblimi për efekt kompensimi nuk i nënshtrohet asnjë takse, tatimi ose ndalese. Neni 12 Vendndodhja e kompensimit fizik Kompensimi fizik, sipas nenit 11 të këtij ligji, bëhet brenda së njëjtës njësi administrativo-territoriale (fshatit, komunës, bashkisë, rrethit, qarkut) dhe kur kjo nuk është e mundur, me vendim të Komitetit Shtetëror për Kthimin dhe Kompensimin e Pronave në njësinë më të afërt administrativo-territoriale. Për kryerjen e kompensimit fizik përdoren edhe pronat në pronësi të shtetit në zonat turistike. Sipërfaqet e caktuara për kompensim shpallen publikisht në Fletoren Zyrtare, duke bërë të ditur si kategoritë, ashtu edhe vlerat e tyre. Ndryshon si më poshtë: Kompensimi fizik sipas shkronjave “a”, “a/1” dhe “b”, të nenit 11, të këtij ligji, bëhet edhe jashtë kufijve territorialë të qarkut, ku ndodhet prona e paluajtshme. Këshilli i Ministrave miraton kriteret dhe procedurat për caktimin e pronave, fond pasurie të paluajtshme, për kompensim fizik. Për kryerjen e kompensimit fizik përparësi kanë pronat publike, brenda zonave, që kanë përparësi zhvillimin e turizmit, të përcaktuara në mbështetje të ligjit nr.7665, datë 21.1.1993, “Për zhvillimin e zonave, që kanë përparësi turizmin”. Trojet e dhëna me kompensim në zona turistike duhet të përdoren vetëm në përputhje me masterplanin për zhvillimin e turizmit dhe planet rregulluese respektive të territorit, të miratuara në zbatim të tij. Neni 14 E drejta e parablerjes 1. Për pronat e paluajtshme të zëna me objekte shtetërore, subjektet e shpronësuara kanë të drejtën e parablerjes mbi këto objekte kur ato të privatizohen. Shtohet pikat: 1/a. Institucioneve shtetërore, nuk u lejohet të japin me qira, enfiteozë, koncesion, apo në përdorim objektet shtetërore, të ndërtuara mbi troje private. Në rast se këto objekte nuk përdoren më për interesa publike, atëherë ato privatizohen, duke u siguruar pronarëve të truallit të drejtën e parablerjes. 1/b. Në rast se objektet shtetërore, të ndërtuara mbi troje private, transferohen në pronësi, apo në administrim të një institucioni tjetër shtetëror, e drejta e parablerjes nuk shuhet. 1/c. Ngarkohet Këshilli i Ministrave të nxjerrë aktet nënligjore për të drejtën e parablerjes në privatizimin e objekteve. 2. Subjektet e shpronësuara kanë të drejtë të heqin dorë nga e drejta e parablerjes përkundrejt kompensimit, sipas nenit 11 të këtij ligji. Shtohet një pikë tjetër: 3. E drejta e parablerjes regjistrohet në Zyrën e Regjistrimit të Pasurive të Paluajtshme KREU IV ORGANET SHTETËRORE PËR PROCESIN E KTHIMIT DHE KOMPENSIMIT TË PRONAVE Neni 16 Kompetencat e Komitetit Shtetëror për Kthimin dhe Kompensimin e Pronave 1. Komiteti Shtetëror për Kthimin dhe Kompensimin e Pronave ka këto kompetenca: a) shqyrton dhe merr vendim për ankesat ndaj vendimeve të komisioneve vendore të kthimit dhe kompensimit të pronave, me përjashtim të rastit të parashikuar në nenin 19 të këtij ligji; b) merr vendime për njësimin e praktikave në procesin e kthimit dhe kompensimit të pronave në bazë dhe për zbatim të ligjit; c) emëron dhe shkarkon nga detyra kryetarin dhe anëtarët e komisioneve vendore të kthimit dhe kompensimit të pronave; Ndryshon si më poshtë: c) emëron dhe shkarkon nga detyra kryetarin dhe anëtarët e komisioneve vendore të kthimit dhe kompensimit të pronave; punonjësit e administratës së Komitetit Shtetëror për Kthimin dhe Kompensimin e Pronave, si dhe punonjësit e tjerë të administratës së komisioneve vendore për kthimin dhe kompensimin e pronave, në bazë të kritereve të konkurrimit, që përcakton ligji “Për shërbimin civil”. Kryetari dhe anëtarët e Komitetit Shtetëror për Kthimin dhe Kompensimin e Pronave dhe të komisioneve vendore për kthimin dhe kompensimin e pronave, si dhe punonjësit e tyre nuk gëzojnë statusin e nëpunësit civil”. ç) drejton dhe kontrollon zbatimin e këtij ligji nga komisionet vendore të kthimit dhe kompensimit të pronave; d) propozon për miratim në Këshillin e Ministrave projektbuxhetin, strukturën organizative, organikën dhe tabelën e pagave për administratën e Komitetit shtetëror për Kthimin dhe Kompensimin e Pronave, të komisioneve vendore të kthimit dhe kompensimit të pronave dhe administratën e tyre; dh) mbledh dhe përpunon të dhëna për procesin e kthimit dhe kompensimit të pronave dhe raporton në Kuvend të paktën një herë në vit ose sa herë kërkohet nga Kuvendi, si dhe informon Këshillin e Ministrave me kërkesë të tij; e) miraton rregulloren për organizimin dhe funksionimin e tij, si dhe të komisioneve vendore të kthimit dhe kompensimit të pronave; ë) përcakton dokumentacionin e nevojshëm, mbi bazën e të cilit do të kryhet njohja, kthimi dhe kompensimi i pronës; f) përcakton, në bashkëpunim me Ministrin e Financave, tarifat e shërbimeve që do të paguajë subjekti i shpronësuar në procesin e kthimit e të kompensimit të pronave; g) përcakton mënyrën e bashkëpunimit të komisioneve vendore kur prona që njihet, kthehet ose kompensohet shtrihet në dy apo më shumë juridiksione të komisioneve vendore; gj) përcakton mënyrën e zëvendësimit të ekspertëve ose anëtarëve të komisioneve vendore kur ata janë në kushtet e pengesës ligjore për kryerjen e veprimtarisë. 2. Komiteti Shtetëror i Kthimit dhe Kompensimit të Pronave verifikon vendimet e komisioneve të kthimit dhe kompensimit të pronave, të ngritura sipas ligjit nr. 7698, datë 15.4.1993 “Për kthimin dhe kompensimin e pronave ish-pronarëve”. Kërkesa për verifikimin e vendimeve të dhëna paraqitet në mënyrë të motivuar nga organet e qeverisjes vendore ose subjektet e shpronësuara brenda 6 muajve nga hyrja në fuqi e këtij ligji. Komisioni ka të drejtë të shfuqizojë vendimin administrativ të dhënë ose të kërkojë shfuqizimin e tij në rrugë gjyqësore. 3. Komiteti Shtetëror i Kthimit dhe Kompensimit të Pronave shfuqizon vendimet e komisioneve vendore kur: a) komisioni vendor për kthimin dhe kompensimin e pronave ka shkelur dispozitat që rregullojnë juridiksionin dhe kompetencat e tij; b) vendimi është dhënë mbi bazën e dokumentacionit dhe verifikimeve të paplota; c) nuk është kërkuar dokumentacioni i nevojshëm, mbi bazën e të cilit duhet të kryhej njohja, kthimi ose kompensimi i pronës. 4. Procedura për kthimin dhe kompensimin e pronave hartohet nga Komiteti Shtetëror i Kthimit dhe Kompensimit të Pronave dhe duhet të përfshijë: a) disponimin ligjor të pronës që do të përdoret për kompensimin fizik të subjekteve të shpronësuara; b) njohjen e së drejtës së pronësisë për subjektet e shpronësuara; c) miratimin nga Komiteti Shtetëror i Kthimit dhe Kompensimit të Pronave të studimeve paraprake në nivel qarku për kthimin dhe kompensimin e pronave, sipas propozimit të komisioneve vendore; ç) botimin në Fletoren Zyrtare të vendimeve të miratuara për kthimin dhe kompensimin e pronave në nivel qarku. Shtohet neni 16/1: 16.1. Sekretari i Komitetit Shtetëror për Kthimin dhe Kompensimin e Pronave 1. Administrata e Komitetit Shtetëror për Kthimin dhe Kompensimin e Pronave drejtohet nga sekretari i Komitetit Shtetëror për Kthimin dhe Kompensimin e Pronave. 2. Sekretari i Komitetit Shtetëror për Kthimin dhe Kompensimin e Pronave duhet të ketë përvojë pune jo më pak se pesë vjet në fushën e së drejtës ose të administratës publike. 3. Sekretari i Komitetit Shtetëror për Kthimin dhe Kompensimin e Pronave kryen këto detyra: a. Merr masa për organizimin e mbledhjeve të Komitetit Shtetëror për Kthimin dhe Kompensimin e Pronave, përgatit materialet e mbledhjes dhe bën njoftimet përkatëse. b. Merr masa për botimin e akteve të Komitetit Shtetëror për Kthimin dhe Kompensimin e Pronave dhe bërjen publike të tyre. c. Merr masa për plotësimin e kushteve të nevojshme të punës së anëtarëve të Komitetit Shtetëror për Kthimin dhe Kompensimin e Pronave, në zbatim të këtij ligji dhe të akteve nënligjore, të nxjerra prej tij. ç. Drejton dhe organizon punën për zbatimin e vendimeve të Komitetit Shtetëror për Kthimin dhe Kompensimin e Pronave dhe përgjigjet për to. d. Ndjek zbatimin e buxhetit dhe merr masat përkatëse. dh. Kryen detyra të tjera të ngarkuara nga ky komitet.”. Neni 18 Kompetencat e komisioneve vendore për kthimin dhe kompensimin e pronave 1. Komisionet vendore për kthimin dhe kompensimin e pronave kanë këto kompetenca: a) kontrollojnë vërtetësinë e dokumentacionit që paraqesin subjektet e shpronësuara dhe e ballafaqojnë atë me aktet ligjore, nënligjore ose vendimet penale, sipas nenit 2 të këtij ligji, që kanë shërbyer si bazë për shpronësimin, shtetëzimin, konfiskimin ose marrjen e padrejtë nga shteti të pronës; b) verifikojnë dhe llogarisin detyrimet financiare që lindin për shtetin, subjektin e shpronësuar ose të tretët, sipas përcaktimeve të bëra në këtë ligj; c) caktojnë ekspertë, të cilët ndihmojnë komisionin për anën teknike në procesin e njohjes, kthimit dhe kompensimit të pronave; ç) u konfirmojnë të drejtën e pronësisë subjekteve të shpronësuara, duke lëshuar dokumentin përkatës për njohjen, masën dhe mënyrën e kthimit ose të kompensimit, sipas modelit të përcaktuar nga Komiteti Shtetëror i Kthimit dhe Kompensimit të Pronave; d) urdhërojnë institucionet që kanë në administrim pronën shtetërore ose publike të paraqesin dokumente ose të dhëna, të cilat ata i konsiderojnë të nevojshme; Ndryshon si më poshtë: d) urdhërojnë institucionet që kanë në administrim pronën shtetërore ose publike të paraqesin dokumente ose të dhëna, të cilat ata i konsiderojnë të nevojshme; si dhe iu kërkojnë atyre, zyrtarisht, gjendjen kadastrale të pronës në çastin e hyrjes në fuqi të këtij ligji. Institucionet përkatëse janë të detyruara t’u kthejnë përgjigje, me shkrim, brenda pesë ditëve pune nga marrja e kërkesës. Përgjigja depozitohet në dosjen përkatëse dh) në përputhje me ligjin dhe në bazë të dokumentacionit, përcaktojnë rastet kur nuk përfitohet nga zbatimi i këtij ligji. 2. Vendimet e komisioneve vendore të kthimit dhe kompensimit te pronave duhet të jenë në formë të shkruar, të marra në mbledhjet e tij, të arsyetuara dhe të përmbajnë kërkesat e parashikuara në Kodin e Procedurave Administrative. 3. Në përcaktimin e kthimit ose kompensimit të pronës, komisionet vendore bazohen në vërtetimin me shkrim të Zyrës së Regjistrimit të Pasurive të Paluajtshme për gjendjen juridike të pronës së paluajtshme që do të kthehet apo pronës së paluajtshme ku do të kompensohet subjekti i shpronësuar. Zyrës së Regjistrimit të Pasurive të Paluajtshme i drejtohet kërkesa nga kryetari i komisionit vendor me shkrim dhe përpara marrjes së vendimit nga komisioni. Zyra e Regjistrimit të Pasurive të Paluajtshme duhet të kthejë përgjigje me shkrim brenda 5 ditëve pune nga marrja e kërkesës dhe përgjigjja e saj depozitohet në dosjen përkatëse. 4. Nëse në përfundim të afatit ankimor, sipas këtij ligji, nuk është bërë ankim, komisionet duhet të dërgojnë një kopje origjinale të vendimit të tyre për njohjen, kthimin ose kompensimin e pronës së paluajtshme në Zyrën e Regjistrimit të Pasurive të Paluajtshme. Neni 19 Afatet kohore 1. Subjektet e shpronësuara, për fitimin e të drejtave të parashikuara nga ky ligj, kanë të drejtë të paraqesin kërkesat e reja brenda 1 viti nga hyrja në fuqi e këtij ligji. Ndryshon si më poshtë: 1. Subjektet e shpronësuara, për fitimin e të drejtave të parashikuara nga ky ligj, kanë të drejtë të paraqesin kërkesat e reja brenda 1 viti nga hyrja në fuqi e këtij ligji, me përjashtim të rasteve kur për shkaqe të përligjura, me vendim gjyqësor, është vendosur rivendosja në afat e paraqitjes së kërkesës 2. Komisionet vendore për kthimin dhe kompensimin e pronave fillimisht njohin të drejtën e pronësisë dhe e kthejnë atë brenda 45 ditëve nga paraqitja e kërkesës. Vendimi për njohjen ose kthimin e pronës njoftohet publikisht. Pas kalimit të këtij afati, komisionet vendore, brenda 45 ditëve, kompensojnë pronën kur, sipas këtij ligji, është i pamundur kthimi i saj. Në rastet kur brenda këtij afati komisionet vendore e kanë të pamundur të vendosin, me vendim të arsyetuar, mund të shtyjnë afatin e dhënies së vendimit, por jo më shumë se 30 ditë. 3. Në rastet kur komisionet vendore nuk marrin vendim brenda afatit të përcaktuar në pikën 2 të këtij neni, për çështjen vendos Komiteti Shtetëror i Kthimit dhe Kompensimit të Pronave brenda 30 ditëve nga mbarimi i afatit të përcaktuar në pikën 2 të këtij neni. 4. Nëse vendimi i dhënë nga komisioni vendor ose Komiteti Shtetëror për Kthimin dhe Kompensimin e Pronave nuk është ankimuar brenda afateve të parashikuara nga ky ligj, ai është titull ekzekutiv. Ngarkohen zyrat e përmbarimit për ekzekutimin e tij, sipas rregullave të parashikuara në Kodin e Procedurës Civile. KREU V DISPOZITA TË FUNDIT Neni 28 Dispozitë kalimtare Për tokat që janë në pronësi të shtetit, organet kompetente të administratës publike ndalohen të lidhin kontrata posedimi a pronësie me të tretë deri në përfundim të procesit të kthimit dhe kompensimit të pronave. Ndryshon si më poshtë: Fondi i pasurive të paluajtshme për kompensimin fizik Përveç fondit financiar të kompensimit, të parashikuar në nenin 23, të këtij ligji, krijohet fondi i pasurive të paluajtshme për kompensimin fizik. Këshilli i Ministrave, brenda datës 1 shkurt 2006, të miratojë fondin e pronave, pasuri të paluajtshme, që vihen në dispozicion për kompensimin fizik, sipas shkronjave “a”, “a/1” dhe “b”, të nenit 11, si dhe mënyrat e vendosjes së këtij fondi në dispozicion të Komitetit Shtetëror për Kthimin dhe Kompensimin e Pronave. Neni 28/a Dispozita kalimtare 1. Për pasuri të paluajtshme, mbi të cilat janë ngritur, nga të tretë, objekte pa leje, në kundërshtim me ligjin “Për urbanistikën”, kthimi fizik nuk zbatohet pa përfunduar afatet ligjore, të parashikuara për legalizimin e objekteve në zona informale dhe objekte të tjera informale, me vendndodhje brenda territoreve formale. Në përfundim të afatit ligjor, të parashikuar për procesin e legalizmit, zbatohet, aty ku është i mundur, kthimi fizik i pronës së paluajtshme, ndërsa pjesa tjetër kompensohet, në përputhje me nenin 11, të këtij ligji. Në çdo kohë, subjektit të shpronësuar i lind e drejta, që, përpara përfundimit të afatit të parashikuar për mbylljen e procesit të legalizimit, të heqë dorë nga e drejta e kthimit fizik të pasurive të zëna me këto ndërtime, kundrejt kompensimit, sipas dispozitave të nenit 11, të këtij ligji. 2. Ky kufizim nuk i shtrin efektet për pasuritë e paluajtshme, të cilat u janë vënë në dispozicion të tretëve me qira, enfitozë ose koncesion etj, nga shteti, megjithë përmirësimet ose ndërtimet e kryera në to. Për të gjitha këto pasuri të paluajtshme zbatohet rregullimi ligjor, i parashikuar në pikën 4, të nenit 8, të këtij ligji. Neni 29 Aktet nënligjore Brenda 90 ditëve nga hyrja në fuqi e këtij ligji, Këshilli i Ministrave nxjerr aktet e nevojshme nënligjore në zbatim të tij. Neni 30 Shfuqizime Ligji nr. 7698, datë 15.4.1993 “Për kthimin dhe kompensimin e pronave ish-pronarëve”, me ndryshimet e mëvonshme, ligji nr. 7699, datë 21.4.1993 “Për kompensimin në vlerë të ish-pronarëve të tokave bujqësore, kullotave, livadheve, tokave pyjore dhe pyjeve”, dekreti nr.1254, datë 19.10.1995 “Për kompensimin e ish-pronarëve të tokës bujqësore dhe jobujqësore dhe të trojeve të zëna, me troje në zonat turistike dhe në qendrat e banuara”, neni 10 i ligjit nr. 8030, datë 15.11.1995 “Për kontributin e shtetit për familjet e pastreha”, shkronja “ç” e nenit 7 dhe neni 13 të ligjit nr. 7665, datë 21.1.1993 “Për zhvillimin e zonave që kanë përparësi turizmin”, si dhe çdo dispozitë tjetër që është në kundërshtim me këtë ligj shfuqizohen. Neni 31 Hyrja në fuqi Ky ligj hyn në fuqi 15 ditë pas botimit në Fletoren Zyrtare. Kryetari Jozefina Topalli SHTOJCA 1 1. Ligji nr. 7501, datë 19.7.1991 “Për tokën”. 2. Ligji nr. 7512, datë 10.8.1991 “Për sanksionimin dhe mbrojtjen e pronës private dhe nismës së lirë, të veprimtarive private të pavarura dhe privatizimit”. 3. Dekreti i Presidentit të Republikës nr. 378, datë 2.12.1992 “Për faljen e studiove të punës piktorëve dhe skulptorëve”. 4. Ligji nr. 7652, datë 23.12.1992 “Për privatizimin e banesave shtetërore”. 5. Ligji nr. 7665 datë 21.1.1993 “Për zhvillimin e zonave që kanë përparësi turizmin”. 6. Ligji nr. 7698, datë 15.4.1993 “Për kthimin dhe kompensimin e pronave ish-pronarëve”. 7. Ligji nr. 7980, datë 27.7.1995 “Për shitblerjen e tokave”. 8. Ligji nr. 8053, datë 21.12.1995 “Për kalimin në pronësi pa shpërblim të tokës bujqësore”. 9. Ligji nr. 8312, datë 26.3.1998 “Për tokat bujqësore të pandara”.