kohajone28022003

PROPOZOHET KRIJIMI I UNIONIT SHQIPERI-KOSOVE

Deputeti i LPK-se ne Kuvendin e Kosoves, ushtron kete propozim pe futjen ne rendin e punes per diskutim dhe vendosje ne Kuvendin e Kosoves te Propozim-amendamentit per Formimin e Unionit Shqiperi-Kosove.

Ne pajtim me nenin 9, pika 1, aliente 23 dhe 40 te Kornizes Kushtetuese per veteqeverisje te Perkohshme ne Kosove, dhe ne pajtim me kompetnecat e Kuvendit te Kosoves, Kreu 9, neni 9, pika 1, alinea 1, si institucion me i larte perfaqesues dhe ligjvenes ne Kosove, ushtron kete:

Amendament

1.Kuvendi i Kosoves, si institucion me i larte perfaqesues e ligjvenes ne Kosove, dhe si bartes i sovranitetit e integritetit te Kosoves, merr vendim per formimin e Unionit Shqiperi-Kosove ne rruge demokratike.

2.Kuvendi i Kosoves kerkon nga Kuvendi i Shqiperise, qe ne seancen e rradhes te ketij Kuvendi, te Deklarohet per Bashkim me Kosoven ne nje Union te Perbashket.

3.Per hartimin e Kartes Kushtetuese te Unionit Kosove-Shqiperi, formohet komision i perbashket me eksperte te se drejtes nga Shqiperia dhe Kosova.

4.Te dy shtetet e Unionit te sapoformuar pajtohen qe prania e NATO-s ne Unionin Shqiperi-Kosove, te jete ne afat te pacaktuar, si akt i vullnetit te mire, dhe ne mision te ruajtjes se paqes dhe sigurise ne Evropen Juglindore.

Arsyetim:

Populli i Kosoves dhe i Shqiperise kane luftuar nder shekuj per liri, integritet dhe sovranitet.

Lidhja Shqiptare e Prizrenit (1878), si institucion i karakterit shteteror e kombetar, ne programin e vet derguar edhe Kongresit te Berlinit, ka parapare te "veproj aktivisht, me te gjitha mjetet per te mbrojtur integritetin e vendit". Kosova eshte ndare me dhune nga trungu i vet Shqiperia me 1913. Perdorimi i dhunes kunder popullit shqiptar ka bere qe te mos vendoset asnjehere paqja e qetesia ne kete pjese te rajonit.

Qeveria e Ismail Qemalit me Memorandumin e 2 janarit 1913, te derguar Konferences se Ambasadoreve ne Londer, ka kerkuar decidivisht: "Qe tokat shqiptare te cilat me pa te drejte i jane dhene Serbise, Malit te Zi dhe Greqise, duhet t'i kthehen nen sovranitet te perhershem Shqiperise". Nje memorandum identik, udheheqesi i Delegacionit shqiptar, dhe kryetar i shtetit shqiptar Turhan Pasha, ua dorezoi me 15 shkurt 1920, udheheqesve te Konferences se Paqes ne Versaje, me Klemansonin ne krye. Mirepo, edhe perkunder 14 pikave te Vilsonit per shtetet etnike, ata ne tryezen e diplomacise nuk e perfillen kete kerkese te drejte me justifikimin se "keto toka i jepen Serbise si kompensim lufte dhe si aleate e francezeve".

E drejta ne bashkengjitje te trojeve etnike shtetit ame, ka qene gjithnje proces i vazhdueshem, i pandalshem dhe se kjo e drejte duhet t'u takoje edhe shqiptareve si te gjithe popujve tjere.

Ndarja e Shqiperise dhe shqiptareve, mbi te gjitha ishte ne kundershtim me vullnetin e gjysmes se popullit qe ngeli i okupuar nga Mbreteria Serbo-Kroato-Sllovene, e pastaj te disa kreaturave artificiale te "ish jugosllavive" te cilat tanime, as faktikisht e as juridikisht nuk ekzistojne si subjekt nderkombetar.

Kjo mbreteri, e as te ashtuquajturat "ish Jugosllavi", asnjehere nuk kane vene pushtetin e plote politik mbi tokat shqiptare te okupuara, kusht ky i parapare per cdo subjekt nderkombetar per t'u quajtur shtet, me aktet nderkombetare te qetesise dhe te sovranitetit te plote politik ne territorin e saj.

Konfereca e Bujanit e mbajtur me 31 dhjetor 1943 dhe 1 e 2 janar 1944, miratoi Rezoluten ne te cilen konfirmohet se "Shqiptaret e Kosoves dhe Rrafshit te Dukagjinit si gjithmone ne te kaluaren, edhe sot deshirojne bashkimin me Shqiperine". Ky deklarim ishte i bazuar ne nenet 3 e 6 te Kartes se Atlantikut te vitit 1941, ku deklarohet e drejta universale e vetevendosjes se popujve deri ne shkeputje. "E vetmja rruge qe populli shqiptar i Kosoves dhe i Rrafshit te Dukagjinit te bashkohet me Shqipnine, asht lufta e perbashket kunder okupatorit...dhe se pas kesaj lufte populli shqiptar do te kete mundesi me vetevendos mbi fatin dhe te drejten e vetevendosjes deri ne shkeputje...Per kete te drejte garantojne aleatet tone te medhenj Bashkimi Sovjetik, Anglia e Amerika (Karta e Atlantikut, Konferenca e Moskes dhe e Teheranit)". Kete rezolute e kane nenshkruar dhe perfaqesuesit e minoritetit serb.

Me te gjitha Rezolutat e OKB-se dhe konventat per dekolonizim, e drejta ne vetevendosje deri ne shkeputje eshte akt i vullnetit te shenjte, qe detyrimisht duhet ta zbatojne organizmat e sigurise kolektive ne bote dhe shtetet anetare te OKB-se.

Bashkepunimi i Shqiperise dhe Kosoves gjithnje ka qene i natyrshem dhe konstruktiv dhe u ka sjelle vetem dobi qytetareve pa dallim por edhe paqes ne rajon.

Shqiperia i eshte gjendur Kosoves ne kohet me te veshtira. Popullata e Kosoves ne Shqiperi e kane ndier veten me mire se gjithkund ne vendet perreth ne kohen e eksodit biblik nga terrori i ushtrise dhe policise serbe.

Kosova dhe Shqiperia ne rruge demokratike kane te drejte te integrohen. Ne rrethanat e tashme forma me e mire eshte krijimi i Unionit Shqiperi-Kosove.

Unioni Shqiperi-Kosove eshte nje zgjidhje optimale dhe e kompromisit per rendin e ri ne rajon.

Unioni Shqiperi-Kosove, nuk u sjell dem por vetem dobi popujve dhe vendeve fqinje.

Unioni Shqiperi-Kosove, do t'u njohe me mire minoriteteve te drejtat sipas standardeve te Bashkimit Evropian dhe te gjitha dokumenteve nderkombetare.

Unioni Shqiperi-Kosove do te ndikoje ne vendosjen e rendit e qetesise se perhershme dhe demokracise ne Evropen Juglindore.

Unioni Shqiperi-Kosove eshte i frymezuar nga nismat e Bashkimit Evropian ne Evropen Juglindore dhe eshte ne pajtim me integrimin e pergjithshem ne kontinent.

Ushtrues i propozimit amandamentit

Mr.Hasan Meta